مشغول وحياتك مشغول
ولآخر الأسبوع مشغول
مشغول وحياتك مشغول
ولآخر الأسبوع مشغول
مشغول وحياتك و حياتك مشغول
أنا بكرة مواعد قلبي
راح يحكي اللي مخبيه
حيقولي حكاية حبي
وحقولو عاللي أنا فيه
ده حكاية عمري وأيامي
وشبابي المحتار قدامي
مشغول مع قلبي مشغول
مشغول وحياتك على طول
مشغول مع قلبي مشغول
مشغول وحياتك على طول
مشغول وحياتك وحياتك مشغول
أنا عندي ميعاد مع صورة
للصبح أسهر قدامها
ياما عشت ليالي كتيرة
فرحان بيها بكلمها
وعينيها الحلوة تكلمني
ولا مرة تفكر تخاصمني
بالصورة الغالية أنا مشغول
مشغول وحياتك على طول
بالصورة الغالية أنا مشغول
مشغول وحياتك على طول
مشغول وحياتك وحياتك مشغول
أنا مشغول عنك بيكي
وماليش إلا إنت وسيرتك
أنا مشغول عنك بيكي
وماليش إلا إنت وسيرتك
قلبي يكلمني عليكي
وأنا أكلم عنك صورتك
وخيالك دايما في خيالي
يا غرامي ويا حبي الغالي
مشغول وحياتك مشغول
أنا مشغول بيكي على طول
مشغول وحياتك مشغول
أنا مشغول بيكي على طول
مشغول وحياتك وحياتك مشغول
