وقالوا سعيدة في حياتها
واصلة لكل أحلامها
وباينة عليها فرحتها
في ضحكتها وفي كلامها
وعايشة كأنها في جنة
وكل الدنيا مالكاها
وقالوا عنيدة وقوية
مبيأثرش شيئ فيها
محدش في الحياة يقدر
يمشي كلمتو عليها
هتحلم ليه وتتمنى
مفيش ولا حاجة ناقصاها
ومن جوايا أنا عكس اللي شايفينها
وعالجرح اللي فيها ربنا يعينها
ساعات الضحكة بتداري في جرح كبير
ساعات في حاجات مابنحبش نبينها
كتير أنا ببقى من جوايا بتألم
ومليون حاجة كاتماها بتوجعني
بيبقى نفسي أحكي لحد وأتكلم
وعزة نفسي هي اللي بتمنعني
سنين وأنا عايشة في مشاكلي
وبعمل إني ناسياها
وحكموا عليا من شكلي
و مي العيشة اللي عايشاها
أنا أوقات أبان هادية
ومن جوايا نار قايدة
ولو يوم اللي حسدوني
يعيشوا مكاني لو ثانية
ولو شافوا اللي أنا شفتو
هيتمنوا حياة تانية
ولو أحكي عن اللي أنا فيه
هتفرق إيه.. إيه الفايدة
ومن جوايا أنا عكس اللي شايفينها
وعالجرح اللي فيها ربنا يعينها
ساعات الضحكة بتداري في جرح كبير
ساعات في حاجات مابنحبش نبينها
كتير أنا ببقى من جوايا بتألم
ومليون حاجة كاتماها بتوجعني
بيبقى نفسي أحكي لحد وأتكلم
وعزة نفسي هي اللي بتمنعني
