بنتقابل وتيجي عيونا في عيون بعض
ونتكلم نلاقي إن احنا نشبه بعض
نحس بحاجة مش فاهمين تفاصيلها
وأجمل لحظة في الحدوتة أولها
وبعد شوية نتجرأ ونعملها
ونفتح يوم قلوبنا لبعض
ونتصارح وإحساسنا بيقلب حب
وفي ثواني نعيش إثنين بنفس القلب
نعيش في حكاية أحلى من ما نتصور
ويبدأ حبنا يكبر ويتطور
وبعد شوية إحساسنا بيتغير
وفجأة السهل بيكون صعب
ونتخانق وكل حقيقة بتبان
ونتعاتب عتاب مالوش لا لون ولا طعم
تاخدنا الدنيا من أشواقنا لجروحنا
ونبعد حبة تخرج روحنا من روحنا
نحس ساعتها إن البعد ريحنا
ونتعود ولا نهتم
قلوبنا في الهوا نصيبها
حكاية واحدة متشابهة
لكن نهايتها مختلفة
وأصل الحب ده رحلة
وبيه دنيتنا دي تحلى
قدرنا أصله مش صدفة
الحب الكامل ولو لمدة دقيقة واحدة
هو اللي بيحسسنا في لحظة النهاية
إن قد إيه كانت الحياة حلوة
حلوة بجد
