أكلمها مابترودش عشان أقلق
وبعد شويه أكلمها وأنا مبرق
وناوي أديها كام كلمة يدايقوها
ترد عليّ قال نايمة
دي قال نايمة وبتفوق
ألم وأهدي نبضاتي اللي بتخبط
وأقول بيني وبين نفسي بتستعبط
عشان الوقت دا مش وقت نوم خالص
فقولت لازم أخلي دماغها
أخلي دماغها تتظبط
وبسكت سكته فاهماها فتتاوب
وتسألني إنت فين أشغلها ولا أجاوب
يفوق صوتها تقولي سؤالي ماسمعتوش
أقول أنا عند واحد صاحبي ماتعرفيهوش
ويلا نامي خدي راحتك تقولي صحيت
تجيلي ضحكة أكتمها وأنا في البيت
وأنا والله نفسي بجد أطمنها
لكن هي اللي بتخلينيي أجننها
بتخليني أجننها
وكام مرة أكلمها الرقم مشغول
وبستنى تكلمني انتظاري يطول
وبعد ما فعلا أدايق تكلمني
ساعتها موبايلي بيغيظها
بيغيظها عشان مقفول
يبان عندي اتصلت كتير ورا بعض
وأنا من الضحك والفرحة بكون عالأرض
تجيلي رسالة كلمني عشان ما اقفش
أطنشها عشان فعلا
عشان فعلا ما بتهددش
تجيلي رساله أنا خارجة وهتأخر
ماصدقهاش عشان الوقت متأخر
شويه تقولي كلمني عشان عايزاك
ولو طنشت هتأكد في واحدة معاك
وبرضو عشان تدايقني تبعتلي سلام
أنا في البيت لكن هقفل موبايلي وأنام
وأنا والله نفسي بجد أطمنها
لكن هي اللي بتخليني أجننها
بتخليني أجننها
